Moti bën kthesë! Reshje shiu, dëbore dhe ngrica, çfarë pritet në ditët në vijim? 22/12 13:38
Tryezën që kishte si synim dhënien e zgjidhjeve për krizën e energjisë, ish-kryeminsitri Berisha e ktheu në tryezë që prodhoi sulme te drejtpërdrejta dhe te forta ndaj investimeve amerikane ne Shqipëri. Fillimisht projekti i Skavicës.
“Është verbëri mjedisore ideja për të ndërtuar digën e madhe në Skavicë. Është absolutisht Enveriste. Por sot që janë gjithë këto burime të kërkosh zgjidhje duke përmbytur gjysmën e Dibrës, është krimi më i shëmtuar mjedisor që mund të kryesh dhe nuk bën gjë tjetër vetëm se përqendrohesh përsëri në një drejtim dhe jo në shumësinë e potencialeve që ekzistojnë në Shqipëri.”- tha Berisha.
Investimi i dytë amerikan në energji është TEC-i i Vlorës, për te cilin qeveria Rama ka nënshkruar një kontrate që ta vendosë në punë me gaz të lëngshëm amerikan, por Berisha pretendon se pas kësaj marrëveshje fshihet politika e zarfeve.
“Tani pas 9 vitesh, në vend që qeveria shqiptare të shtrinte tubacionin nga TEC i Vlorës deri në Seman ku është detyrimi kontraktual për të krijuar daljen e gazit në Shqipëri, shkon dhe kontrakton një kompani për gaz të lëngshëm, që ka një kosto qartësisht më të lartë se gazi që sjell TAP-i. Sepse kompanitë importuese të gazit diktojnë me zarfa politikën e tyre.“- tha Berisha.
Sali Berisha bëri përgjegjëse qeverine për krizën e energjisë, sipas tij kriza nuk zgjidhet me rritje cmimesh, por me menaxhim dhe diversifikim te prodhimit.
Top Channel
