![](https://top-channel.tv/wp-content/uploads/2024/09/MixCollage-07-Sep-2024-05-33-PM-5997-800x450.jpg)
‘Google Europe’ tha dje se ka bllokuar në YouTube dhe rrjete të tjera kanalet kryesore pro-Kremlinit, RT e Sputnik mes pushtimit rus të Ukrainës.
Google, pronare e YouTube, tha në një koment për agjencinë Reuters se ka hequr rrjetet shtetërore ruse të informacionit nga mjetet e kërkimit në rrjet.
Kent Walker, kreu i Google për çështjet globale, tha në një koment se me rastin e krizës “po merren masa të jashtëzakonshme për të ndaluar dezinformacionin online.”
Lëvizja vjen pas aprovimit nga Komisioni Evropian të sanksioneve ndaj rrjeteve ruse me audiencë në Britani, Gjermani e Francë, në gjuhët anglisht dhe spanjisht, për tregjet mediatike evropiane.
Kryetarja e KE Ursula von der Leyen tha më herët se rrjetet RT e Sputnik “janë pjesë e makinerisë së medias së Kremlinit,” prandaj BE do të ndalojë informacionin e tyre “dezinformues në Evropë.”
Mediat ruse i kanë quajtur kufizimet e fundit ‘censurë e pajustifikuar’.
“Bllokimet janë vetëm një kthesë e ashpër në sulmin ndaj parimeve themelore të demokracisë siç është liria e shtypit”, thuhej në një deklaratë të Sputnik.
YouTube nuk pranonte të specifikonte se cilët kanale ka ndaluar në të gjithë votën dhe nëse do të rikthente përmbajtjet.
Top Channel