Gjysmëfinalja e Champions League, Bayern dhe Real ndahen në paqe në “Allianz Arena”, gjithçka vendoset në Bernabeu 30/04 22:50
Ditën e martë, Eros Grezda dhe Osijek mbyllën bashkëpunimin edhe pse palët kishin edhe një vit kontratë që i mbante të lidhur.
Kroatët nuk ishin të bindur nga rendimenti i shqiptarit, i cili prej verës së kaluar ishte huazuar në Hungari te skuadra e Zalaegerszeg, ku nuk ia doli të shfaqte versionin e tij më të mirë.
Megjithatë, 26-vjeçari nuk ka mbetur në mes të katër rrugëve dhe së fundmi është zyrtarizuar te skuadra e re, në të cilën do të jetë pjesë deri në fundin e këtij sezoni. Fjala është për klubin e Sibenik, në Kroaci që ka vendosur t’i japë një shans gjakovarit ndërsa drejtori sportiv i kroatëve, Hrvoje Kulušić, thekson se Grezda është në një formë të shkëlqyer.
“Është në një formë fizike shumë të mirë dhe ka kompletuar përgatitjet në mënyrën e duhur me klubin në Hungari. Gjithsesi, sapo ka dalë nga karantina si pasojë e COVID dhe nuk mund të jetë i gatshëm për ndeshjen e radhës në kampionat ndaj Rijekës. Por, jam i sigurt se në ndeshjen pasardhëse të cilën e luajmë në shtëpi ndaj Istrës, ai do të jetë në gatishmëri”, u shpreh Hrvoje Kulušić.
Ndërkaq, vlen të theksohet se pjesë e skuadrës së Sibenik është edhe lojtari shqiptar Suad Sahiti i cili në këtë sezon është aktivizuar për 18 ndeshje duke dhuruar edhe dy asiste./ Supersport
Top Channel
