“Tani besoni Piolin, por kur flisja unë më quanit të çmendur”, Allegri: Jam thjesht “trajner” 26/04 16:34
Thomas Strakosha e ka marrë vendimin për të ardhmen: ai do të largohet me parametra zero nga Lazio në qershor.
“Gardiani” shqiptar e ka humbur postin e titullarit kundrejt spanjollit Pepe Reina.
26-vjeçari, i cili ka veshur 18 herë fanellën e kombëtares kuqezi dhe këtë sezon numëron vetëm 810 minuta aktivizim në kampionat, ka refuzuar propozimet për rinovim dhe po studion me qetësi ofertat që ka marrë.
Drejtuesit e Lazios janë dorëzuar në lidhje me rinovimin dhe kanë nisur nga puna për të gjetur pasuesin e Strakoshës. TMW raporton se Igli Tare ka zgjedhur David Ospina, i cili po luan sezonin e fundit me Napolin.
Portieri kolumbian (121 ndeshje me kombëtaren latine) ka një eksperiencë të madhe mes shtyllave, teksa për Strakoshën ka interesim nga klube të tjera të Serie A dhe Premier League. Watford ka nisur bisedimet me agjentin e tij, por akordi varet nga qëndrimi i ekipit ishullor në Premier League./Super Sport
Top Channel
