PROFIL/ Nga president i 45-të i SHBA, tek paditë penale, kush është Donald Trump, kandidati që i mbijetoi dy atentateve 02/11 21:01
Standard & Poor's headquarters in the financial district of New York on August 6, 2011. The United States' credit rating was cut for the first time ever August 5 when Standard and Poor's lowered it from triple-A to AA+, citing the country's looming deficit burden and weak policy-making process. AFP PHOTO/Stan HONDA
Agjencia ndërkombëtare e vlerësimit Standard & Poor’s, në rishikimin më të fundit të saj, ka konfirmuar për Shqipërinë vlerësimin aktual në “B+” si dhe perspektivë “të qëndrueshme”.
Agjensia e njohur e vlerësimit të riskut, del në përfundimin se rritja reale ekonomike në vend do të mbetet solide gjatë viteve të ardhshme, mesatarisht 3.5-4.3 përqind, e mbështetur fort nga konsumi i familjeve, investimet në infrastrukturë dhe ringritja në turizëm.
Pritshmëritë e saj janë që deficit fiskal të ulet në periudhën afatmesme, duke sjellë si rezultat edhe rënien e borxhit të qeverisë në raport me Prodhimin e Brendshëm Bruto.
Vlerësohet po kështu se presioni i jashtëm do të jetë i menaxhueshëm duke pasur parasysh se rezervat valutore të vendit mbeten të larta dhe borxhi i jashtëm rritet vetëm në mënyrë të moderuar, duke mbështetur kështu edhe stabilitetin e kursit të këmbimit gjatë viteve të ardhshme.
Vlerësimi i agjensisë mbështetet nga perspektiva e rritjes ekonomike të Shqipërisë, regjimi relativisht fleksibël i kursit të këmbimit dhe rezervat e forta valutore. “Edhe pse konsolidimi fiskal ka të ngjarë të ngadalësohet, ne besojmë se deficiti i qeverisë do të ngushtohet në vitet e ardhshme”, thuhet aty.
Agjencia vlerëson se rimëkëmbja ekonomike e Shqipërisë në vitin 2021 ishte e fortë, por duke pasur parasysh normën e ulët të kursimeve në ekonomi, ajo mendon se reformat e duhura në përmirësimin e klimës së biznesit dhe tërheqjen e flukseve hyrëse të investimeve të huaja do të jenë kritike që Shqipëria të mbajë një ritëm më të lartë të konvergjencës së të ardhurave me homologët e rajonit dhe me eurozonën.
Top Channel
