Arkitekt i reformave kryesore në Indi, ndahet nga jeta ish-kryeministri në moshën 92-vjeçare 26/12 18:50
Pas letrës së Presidentit Ilir Meta drejtuar KQZ-së ku kërkonte informacion për bashkitë që janë pa kryetar, kreu i institucionit Ilirian Celibashi nuk ka vonuar e në kthimin e përgjigjes përmes një letre zyrtare.
Në letrën drejtuar kreut të Shtetit, KQZ bën me dije se kjo e fundit është njoftuar vetëm për dy raste në rrugë zyrtare për vakanca, konkretisht për Bashkinë e Dibrës dhe atë të Vorës.
Ndërsa për bashkitë e tjera që kanë mbetur pa kryetar thuhet në dokument, Komisioni Shtetëror Zgjedhjeve nuk është vënë në dijeni dhe procesi ka kaluar jo nga KQZ, por nga Këshilli i Ministrave që është njoftuar për rastet nga këshillat bashkiakë.
Në kushte të tilla, Presidenti duket se duhet t’i drejtohet tashmë Kryeministrit për informacione lidhur me bashkitë e tjera që nuk kanë aktualisht një kryetar.
Bëhet fjalë për bashkinë e Shkodrës, ku ish-kryetari i saj Valdrin Pjetri dha dorëheqjen nga posti, teksa pa kryetar është aktualisht edhe bashkia e Durrësit pas dorëheqjes së Valbona Sako, shkak I së cilës u bë një deklaratë e saj pas tërmetit të nëntorit. Pa drejtues vijon të mbetet edhe Bashkia e Lushnjës, pas shkarkimit nga kryeministri e Fatos Tushes që u arrestua për abuzime e shkelje në tendera, teksa bosh qëndron edhe posti I kryetarit në bashkinë Rrogozhinë, ku ish-kryebashkiaku Haxhi Molla humbi jetën për shkak të një ataku kardiak.
Presidenti lajmëroi pak ditë më parë se do merrte hapa për ti dhënë zgjidhje kësaj situate
Top Channel
