Gazifikimi i Korçës, firmoset marrëveshja në Azerbajxhan! Rama dhe Balluku takojnë presidentin azer 12/11 17:28
Të ardhurat nga emigrantët kanë shënuar një rritje të konsiderueshme përgjatë vitit 2021. Sipas të dhënave të Bankës së Shqipërisë, remitancat apo dërgesat që sjellin emigrantët te të afërmit e tyre në Shqipëri kanë arritur në fund të nëntëmujorit në 541 milionë euro.
Në raport me të njëjtën periudhë të vitit të kaluar kur shumë vende europiane ku jetojnë e punojnë emigrantët shqiptarë kishin aplikuar masa të rrepta për menaxhimin e situatës së pandemisë, flukset hyrëse nga emigrantët kanë parë një rritje me gati 71 milionë euro më shumë.
Sipas statistikave, vetëm në tremujorin e të tretë prurjet valutore të emigrantëve përllogariten në 200 milionë euro, me rritje gati 1% në raport me tremujorin e vitit 2021.
Referuar bankës qendrore, përgjatë kësaj periudhe është vërejtur një rënie e lehtë e përdorimit të kanaleve formale për dërgesat nga emigrantët përmes sistemit bankar e rrugëve të tjera zyrtare, teksa janë rritur dërgesat në cash si pasojë e lëvizjes së emigrantëve me zbutjen e masave kufizuese.
Që prej vitit 2015 e deri në vitin 2019 para krizës së pandemisë niveli i remitancave ka parë një rritje të vazhdueshme duke reflektuar edhe emigracionin masiv të shqiptarëve përtej kufijve.
Në vitin 2020 dërgesat e emigrantëve pësuan një rënie dhe totali i tyre arriti në 637 milionë euro si pasojë e pandemisë covid-19, një dukuri e pritshme pakësimi i tyre i lajmëruar si nga autoritetet vendase ashtu edhe nga institucionet ndërkombëtare si Banka Botërore në raportet e saj për Shqipërinë.
Por, pas tkurrjes një vit më parë duket se me lehtësimin e masave nga vendet e huaja të ardhurat nga emigrantët vijuan sërish një trend në rritje ku me gjasa deri në fund të viti pritet të arrijnë nivelet e parakrizës.
Top Channel
