Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Milani jashtë Championsit dhe jashtë Europa League-s. Skuadra kuqezi nuk ia doli të fitonte ndaj Liverpoolit përkundrazi u mposht 1-2 në “San Siro”, ku goli i Tomorit u përmbys nga finalizimet e Salah dhe Origit.
“Djalli” përfundon në vendin e fundit, me vetëm katër pikë, ndërsa ekipi I dytë I kualifikuar pas “The Reds” në Grupin 6 është Atletico e Madridit, që fitoi 3-1 në fushën e Portës falë golave të Griezmann, Correas dhe De Paul. Një ndeshje e tensionuar në “Estadio do Dragao”, ku tre lojtarë u ndëshkuan me karton të kuq, fillimisht Carrasco i madrilenëve, më pas Wendell dhe Marchesin të skuadrës portugeze. Në fund shkurtoi diferencën Sergio Oliveria.
Në Grupin D, siguroi vendin e parë Reali i Madridit, që mposhti 2-0 Interin me gola të Kroos dhe Asensios, ndërsa Sherifi i Tiraspolit, që e kishte siguruar pjesëmarrjen në Europa League, barazoi 1-1 në fushën e Shakthar Donetskut.
Në Grupin C, ku gjithçka ishte përcaktuar, Ajaxi fitoi 4-2 përballë Sportingut të Lisbonës, duke e mbyllur fazën e grupeve me një ecuri perfekte prej gjashtë fitoresh radhazi. Edhe portugezët e kishin siguruar vendin e dytë. Borussia e Dortmundit fitoi 5-0 me Besiktasin, rezultat që vlejti për statistikë, sepse verdhezinjtë e kishin “blinduar” vendin e tretë që në ndeshjen paraardhëse.
Top Channel
