Rrjeti “Gazetarë të Sigurtë”, që përfaqëson më shumë se 8.
200 profesionistë të medias në Ballkanin Perëndimor, ka reaguar për incidentin e rendë të ndodhur ditën e shtunë kur gazetarja e Top Channel Anila Hoxha dhe operatori i A2 CNN Endri Aga rrezikuan të përfundojnë në greminë për shkak të nje efektivi te policisë.
Rrjeti “Gazetarë të Sigurtë”, ka dënuan sulmin e punonjësit të policisë ndaj Gazetares Anila Hoxha dhe operatorit Endri Aga, të cilët po mbulonin operacionin e policisë në Dajt për nxjerrin e trupit e biznesmenit te vrare Ruzhdi Hoxha. Duke e konsideruar një sjellje të papranueshme që s’duhet toleruar atë të policit, rrejti i gazetarëve perëndimore kërkon hetimin e rastit dhe transparencë rreth rezultateve të tij. Dhuna e ushtruar nga policisë u dënua ashpër edhe nga kryetari i Komisionit te Medias Agron Gjekmarkaj, i cili kërkoi ndëshkim nga drejtësia të kujtdo që dhunon gazetarët në krye të detyrës.
Gjekmarkaj: Ne e kemi edhe në Kodin zakonor, që lajmësi është gjithmonë në besë dhe duhet të jetë gjithmonë i garantuar. Është moment i trishtuar, kur pikërisht në përpjekjen e vet për të transmetuar të vërtetën dhe për të përcjellë lajmin tek shoqëria, në krye të detyrës, gazetarja sulmohet pikërisht nga ata që duhej të ishin mbrojtësit e gazetarëve, në këtë rast, një polic. Besoj jeni të gjithë dakord një akt i tillë nuk duhet të përsëritet dhe mbi të gjitha të ndëshkohen akte të tilla nga drejtësia më shumë nga drejtësia se sa nga opinioni publik i cili mban qëndrim etik.
Marrë shkak nga rasti kryetari i Komisionit te Medias i kërkoi Ministrit te Brendshëm dhe Drejtorit te Përgjithshëm të Policisë që te rishikojnë të trupës policore dhe mënyrën e rekrutimit te tyre.
Top Channel
