Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Peshkatarët, kamionistët dhe punonjësit e linjave ajrore thonë se zinxhirët global të furnizimit janë në krizë për shkak të bllokimeve në tregtinë botërore, pasojë kjo e pandemisë së covid-19.
Punëtorët kryesorë të zinxhirit të furnizimit deklarojnë se janë duke arritur në pikën e thyerjes pas durimit të muajve të karantinës, kufizimeve të udhëtimit dhe një programi të vaksinimit covid-19.
Përvojat e tyre në të gjithë botën tregojnë se raftet boshe të Britanisë nuk janë thjeshtë për shkak të Brexit. Madje ekziston rreziku i një ‘kolapsi të sistemit global të transportit’ nëse qeveritë nuk rivendosin lirinë e lëvizjes, ka paralajmëruar Dhoma Ndërkombëtare e Transportit (ICS) dhe grupet e tjera të industrisë.
Në një letër të hapur drejtuar krerëve të shteteve që marrin pjesë në Asamblenë e Përgjithshme të Kombeve të Bashkuara, grupet bënë thirrje që punonjësve të transportit t’u jepet përparësi për të marrë vaksina të njohura nga Organizata Botërore e Shëndetit.
Ajo u nënshkrua nga Shoqata Ndërkombëtare e Transportit Ajror (IATA), Unioni Ndërkombëtar i Transportit Rrugor (IRU) dhe Federata Ndërkombëtare e Punëtorëve të Transportit (ITF), të cilat së bashku përfaqësojnë 65 milionë punonjës të transportit në të gjithë botën.
Ai tha se sektorët e transportit global po shikonin një mungesë të punëtorëve dhe priste që më shumë të largoheshin për shkak të trajtimit të dobët gjatë pandemisë.
Krishtlindjet e fundit mijëra shoferë nga vendet përfshirë Hungarinë, Slloveninë dhe Rumaninë i kaluan Krishtlindjet të mbyllur në Mbretërinë e Bashkuar, pasi Franca mbylli kufirin e saj me Britaninë pas shfaqjes së llojit të ri shumë infektiv të koronavirusit.
Guy Platten, sekretar i përgjithshëm i ICS, tha se peshkatarët nuk kishin gjasa të angazhoheshin për kontrata të reja në rast se ka një përsëritje të kaosit në port, njësoj si në dhjetor të vitit të kaluar.
Stephen Cotton, sekretar i përgjithshëm i ITF, tha se krerët e qeverive duhet të veprojnë për të parandaluar goditjet e mëtejshme.
Për të ndihmuar sektorin gjatë pandemisë, peshkatarët zgjeruan kontratat e tyre për të mbajtur mallrat që qarkullonin, pasi kufijtë u mbyllën dhe udhëtimi u kufizua.
Top Channel
