Fëllënxa Rrasa dhunohej shpesh nga bashkëshorti i cili dehej. Për këtë shkak pesë vjet më parë kishte marrë dhe urdhër mbrojtjeje.
Mbrëmjen e së shtunës çifti që jetonte në Babunjë të Divjakës ishte përfshirë në një debat dhe kishin larguar edhe djalin nga shtëpia. Në dhomën e gjumit bashkëshorti Hekuran Rrasa kreu krimin duke e vrarë me armë gjahu të shoqen e më pas edhe veten.
Fëllënxa ishte gruaja e dytë e 58 vjecarit dhe raportet mes tyre përkeqësoheshin thonë të afërmit edhe nga mjerimi.
Ka qenë djali i tyre që i gjeti të pajetë. ai së bashku me të atin prej dy vitesh ishin punësuar në ndërmarrjen e pastrimit në Divjakë punë që zbuti mjerimin por jo kryefamiljarin.
Top Channel
