Kosova Të Fundit

KQZ nuk certifikon kandidaturën e Selim Pacollit

27/08/2021 17:59

Kandidati i Aleancës për Kosovën e Re, Selim Pacolli ka njoftuar se nuk do të jetë në garën për kryetar të komunës së Prishtinës, pasi Komisioni Qendror i Zgjedhjeve nuk ka certifikuar kandidaturën e tij.

Kjo si pasojë e një aktvendimi të vitit 2019, ku Selimi ka bërë deklarimin e pasurisë 48 orë pas përfundimit të afatit ligjor për deklarim.

Sipas Selimit edhe pse në esencë ky është një vendim arbitrar dhe i palogjikshëm, vendimet e gjyqësorit janë të shenjta dhe të padiskutueshme.

Postimi i plotë i Selimit:

Të nderuar qytetarë dhe qytetare të Prishtinës,

Sapo morra lajmin se KQZ nuk do ta certifikoj kandidaturën time për kryetar të Prishtinës.

Kjo si pasojë e një aktvendimi të vitit 2019, unë kam bërë deklarimin e pasurisë 48 orë pas përfundimit të afatit ligjor për deklarim, (përfshirë ditët e vikendit).

Me saktë, afati ishte të Premten, ndërsa deklarimi të Hënën, në orën 8 të mëngjesit në prezencën time fizike. Kjo vonesë ka ndodhë si pasojë e udhëtimit tim për çështje shëndetësore jashtë vendit.

Edhe pse në esencë ky është një vendim arbitrar dhe i palogjikshëm, vendimet e gjyqësorit janë të shenjta dhe të padiskutueshme.

U betohem që edhe pse nuk do të jem zyrtarisht kandidat për kryetar të Prishtinës, dëshira dhe angazhimi im për qytetarët e Prishtinës është edhe më i madh. Unë do të ju qëndroj besnik dhe do ti mbështes ne cdo hap të gjithë kandidatët e listës sonë për kuvendin komunal, e në veçanti kandidatin e subjektit tim AKR për kryetar të Prishtinës.

Ju siguroj se zotimi im për qytetarët është po aq i vlefshëm dhe nuk do të abstenojë por do të vazhdoj angazhimin tim sikurse para marrjes së këtij lajmi.

Do të vazhdojë implementimin e të gjitha projekteve të planifikuara për këtë mandat, dhe projektet e parapara për mandatin vijues, e që janë jetike për qytetin tonë.

Sinqerisht i juaji,

Selim Pacolli

Top Channel