Poloni, fermerët bllokojë kalimin kufitar me Ukrainën 24/11 08:48
Një ushtarak i marinës së SHBA është akuzuar për zjarrvënie ndaj luftanijes USS Bonhomme Richard që thuajse e shkatërroi atë tërësisht, plagosi 63 njerëz dhe kushton më shumë se 2 miliardë dollarë për të riparuar.
USS Bonhomme Richard ishte në bazën e San Diego për mirëmbajtje kur u përfshi nga një zjarr masiv.
Zyrtarët thonë se marinari i paemëruar akuzohet se ka nisur qëllimisht zjarrin dhe se provat e mbledhura janë të mjaftueshme për të nisur gjyqin.
Detari i cili mban rang të ulët, ishte anëtar i ekuipazhit të anijes, dhe Marina deri tani nuk ka sugjeruar se kishte si qëllim shkatërrimin e plotë te anijes.
“Ne nuk kishim parë një zjarr të këtyre përmasave në marinën e SHBA, të paktën në karrierën time”, shprehej kreu i operacioneve Admiral Michael Gilday në një konferencë shtypi pas ngjarjes.
Luftanija ka dalë tashmë jashtë shërbimi pasi riparimet kushtojnë më shumë se 2 miliardë dollarë dhe kërkojnë rreth shtatë vjet për të realizuar, tha asokohe admiral Eric H Ver Hage.
Një seancë paraprake do të përcaktojë nëse marinari të gjykohet nga një gjyq ushtarak. Zjarri i qëllimshëm kishte nisur në zonën e ulët të magazinimit, të mbushur me kuti kartoni dhe mjete mirëmbajtjeje, ndërsa pas ishte ngritur nga galeritë e ashensoreve dhe tunelet e ventilimit.
Dy shpërthime që ndodhën si rezultat i zjarrit ishin dëgjuar nga 15 km larg dhe tymi i zi kishte mbuluar zonën e San Diego, ne zjarrin qe zgjati te pakten kater dite.
Top Channel
