Rreth orës 4 të mëngjesit, janë lënë të lirë katër të shoqëruarit nga policia e Vlorës pasi protestuan për të lejuar muzikën nëpër lokale pas orës 22:00.
Biznesmenët kanë protestuar para drejtorisë së policisë së Vlorës kundër dhunës policore derisa u bë lirimi i katër personave të shoqëruar.
Kujtojmë se mes të shoqëruarve ishte dhe një femër, administratoren e një restoranti në Lungomare që u tërhoq me forcë nga policia për tu futur në furgon.
Në protestën e nisur mbrëmjen e kaluar, ata kanë vendosur në sfond himnin kombëtar për të ndryshuar orarin e vendosur nga Komiteti Teknik për muzikën në lokale.
Ata kanë paralajmëruar protestë për ndryshimin e fashës orare, pasi sipas tyre kjo po i pengon në biznesin e tyre përgjatë sezonit veror, kur ka edhe shtim të numrit të turistëve.
Sipas Shoqatës, ora policore aktuale, ka bërë që bizneset të përballen me kushte të vështira ekonomike.
Top Channel
