Një plagosje me armë zjarri ka ndodhur pak më parë në Tiranë.
Mësohet se i plagosur ka mbetur një djalë 19-vjeçar, i identifikuar si Reginaldo Kaçorri nga Rrësheni. 19-vjeçari nuk rezulton të ketë precedent të mëparshëm penal.
Ngjarja ka ndodhur në rrugën “Liman Kaba”, në afërsi të një lokali, ndërsa i riu tashmë është transportuar në spital.
Të dy palët kanë qenë në një lokal në tavolina të veçanta dhe fillimisht u konfliktuan fizikisht , pastaj një nga autorët ka qëlluar me armë vetëm njëherë.
Ndërkohë autori është identifikuar si Klajdi Kodra dhe po punohet nga policia për kapjen e tij.
Top Channel
