Një sasi lënde plasëse ka shpërthyer në Shijak. Ngjarja ka ndodhur rreth orës 22:00 dhe policia njofton se lënda plasëse ishte vendosur në portën e banesës së një shtetasi.
Në vendin e ngjarjes ka shkuar menjëherë policia dhe kanë shoqëruar disa persona në Komisariat.
Shijak/ Informacion Paraprak
Më datë 23.05.2021, rreth orës 22:00, në lagjen “Kodra”, Shijak ka shpërthyer një sasi e vogël lënde plasëse në portën e banesës së shtetasit O.V., ku për pasojë ka vetëm dëme materiale.
Menjëherë në vendngjarje kanë shkuar shërbimet e Policisë dhe kanë shoqëruar disa persona në Komisariat.
Ndërkohë po vijon krehja e zonës.
Grupi hetimor nën drejtimin e Prokurorisë po punon për identifikimin e autorit dhe sqarimin e plotë të rrethanave të ngjarjes.
Top Channel
