Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Policia njoftoi se një “tragjedi e tmerrshme” ka ndodhur mengjezin e sotëm në Port Lincoln të Australisë, teksa disa djem po flinin në një kosh mbeturinash industriale, edhe pse nuk ishin të pastrehë.
Një djalë 13-vjeçar u shtyp për vdekje nga kamioni i mbeturinave, teksa bashkë me dy shokë i kishte zënë gjumi në konteiner.
Edhe shoku i tij 11-vjeçar pësoi plagë të rënda kur kamioni nisi të zbraste konteinerin e mbeturinave të impjantit, ndërsa një djalë i tretë që shpëtoi pa lëndime arriti të njoftonte shoferin.
Tragjedia ndodhi rreth orës lokale 5.20 në Port Lincoln në brigjet perëndimore të Australisë. Kreu i policisë lokale Paul Bahr tha se dy djemtë e mbijetuar janë të traumatizuar dhe do të duhet kohë për të marrë versionin e tyre të ngjarjeve.
Autoritetet thanë se djemtë nuk ishin të pastrehë dhe se do të hetohet përse po flinin në koshin e mbeturinave.
Ata shtuan se fëmijët ishin të gjithë nga Port Lincoln. Ndersa shoferi i kamionit nuk e dinte se ata ishin brenda koshit dhe është “shumë i tronditur nga incidenti”.
Stafi dhe nxënësit e shkollës që djemtë frekuentonin po marrin konsulencë psikologjike nga tronditja e vdekjes.
Top Channel
