Prokuroria ka bërë bilancin për krimet zgjedhore të 25 prillit, ku 5 persona janë arrestuar, 4 prej tyre është kërkuar masa “Arrestit me burg”, 3 prej të cilëve u është pranuar dhe 10 janë vënë në hetim.
Sipas prokurorisë, nga periudha parazgjedhore e deri më datë 07.05.2021 rezulton se prokuroritë kanë regjistruar procedimin penal për 38 njoftime për vepra penale në lidhje me zgjedhjet dhe janë në proces verifikimi paraprak 50 njoftime.
125 njoftime janë marrë nga Prokuroria për vepra penale në fushën e zgjedhjeve, prej të cilave 82 kallëzime në prokurori nga subjekteve politike/kandidatë, shtetas apo institucione shtetërore, 20 referime të policisë gjyqësore dhe 23 transferime nga SPAK.
“Nga raportimet e prokurorive të juridiksionit të përgjithshëm mbi veprat penale në fushën e zgjedhjeve për periudhën parazgjedhore e deri më datë 07.05.2021 rezulton se prokuroritë kanë regjistruar procedimin penal për 38 njoftime për vepra penale në lidhje me zgjedhjet dhe janë në proces verifikimi paraprak 50 njoftime për veprat penale si më poshtë:
Veprat penale në fushën e zgjedhjeve
Neni 325, Pengimi i subjekteve zgjedhore
Neni 326, Falsifikimi i materialit zgjedhor dhe rezultateve të zgjedhjeve
Neni 326/a, Dëmtimi me dashje i materialit zgjedhor
Neni 327, Shkelja e fshehtësisë së votimit
Neni 327/a, Votimi më shumë se një herë ose pa u identifikuar
Neni 328, Korrupsioni aktiv në zgjedhje
Neni 328/a, Përdorimi i funksionit publik për veprimt. politike ose zgjedh.
Neni 328/b, Korrupsioni pasiv ne zgjedhje
Neni 329, Kanosja apo dhunimi ndaj pjesëmarrësve në zgjedhje
Neni 330, Pengimi i zgjedhësit
Neni 330/a, Braktisja e detyrës nga anëtarët e komisioneve të zgjedhjeve
Neni 331, Shkelja e të drejtës së zgjedhjes
Neni 331/a, Marrja ose përdorimi i paligjshëm i dokumenteve të identifikimit
Neni 332, Shpërdorimi i autoritetit ushtarak
Neni 332/a, Shpërdorimi i autoritetit policor
Neni 248 ,Shpërdorimi i detyrës ne lidhje me aktet ligjore për zgjedhjet
Aktualisht janë 10 persona të cilët po ndiqen penalisht për veprat e mësipërme, janë arrestuar në flagrancë 5 persona, është kërkuar masa e sigurisë “arrest në burg” për 4 persona dhe është pranuar kërkesa për 3 persona.
Përgjatë kësaj periudhe prokuroritë e juridiksionit të përgjithshëm kanë marë në total 125 njoftime për vepra penale në fushën e zgjedhjeve, prej të cilave: -82 kallëzime në prokurori nga subjekteve politike/kandidatë, shtetas apo institucione shtetërore;- 20 referime të policisë gjyqësore dhe – 23 ardhur me transferim nga SPAK”, njofton Prokuroria.
Kujtojmë se zgjedhjet e 25 prillit u zhvilluan kryesisht pa incidente, ndërsa disa prej subjekteve politike akuzojnë se ka pasur shit-blerje votash që kanë ndikuar në rezultatin përfundimtar.
PD akuzon Partinë Socialiste se përmes strukturave kriminale ka zbatuar skeme e blerjes së votave dhe ka intimiduar qytetarët dhe ka kërkuar përsëritjen e zgjedhjeve në 9 qarqe, Shkodër, Durrës, Tiranë, Elbasan, Vlorë, Fier, Berat, Gjirokastër dhe Korçë.
Nga zgjedhjet, Partia Socialiste kryesoi duke siguruar 74 mandate, pasuar nga Partia Demokratike me 59 mandate dhe Partia Lëvizja Socialiste për Ndryshim me 4 dhe PSD 3 mandate.
Top Channel
