Spitalet indiane thonë se pacientët e tyre po vdesin për shkak të mungesës së oksigjenit pasi numri i rasteve të Covid dhe vdekjet vendosën rekorde të reja për një ditë të tretë.
India ka regjistruar gati një milion infeksione në tre ditë, me 346.786 raste të reja brenda natës deri të këtë të shtunë.
Në Spitalin e Artë Jaipur në Delhi, 20 njerëz vdiqën brenda natës për shkak të mungesës së oksigjenit, tha një zyrtar. Qeveria thotë se po vendos trena dhe forcën ajrore për të transportuar furnizime në zonat e goditura rëndë.
Numri i vdekjeve në të gjithë Indinë u rrit me 2.624 në 24 orët e së shtunës, nga 2.263 të premten.
Organizata Botërore e Shëndetësisë tha se situata në Indi është një “kujtesë shkatërruese” e asaj që koronavirusi mund të bënte.
Në fillim të këtij viti, qeveria indiane besoi se kishte mundur virusin. Rastet e reja ranë në 11.000 nga mesi i shkurtit, vaksinat po eksportoheshin dhe në mars ministri i Shëndetësisë tha se India ishte “në lojën e fundit” të pandemisë.
Por, që nga ajo kohë, një valë e re ka shpërthyer, e nxitur nga variantet e reja, si dhe nga tubime masive, të tilla si festivali Kumbh Mela, ku miliona pelegrinë u mblodhën për të festuar.
Top Channel
