Qarkullonte me pistoletë me vete, arrestohet 20-vjeçari nga Libani në Laprakë
15/03/2021 09:35
Vranësira dhe reshje shiu, parashikimi i motit për ditën e sotme 29/11 07:17
TIRANË – Një person është vënë në prangat e policisë së shtetit për shkak se është kapur me armë zjarri.
I arrestuari është identifikuar si M. B., 20 vjeç, nga Libani. Sipas policisë ai është kapur në rrugën “Lord Bajroni” në zonën e Laprakës.
Njoftimi i policisë:
Qarkullonte me armë zjarri me vete, falë bashkëpunimit me qytetarët, Forca e Posaçme “Shqiponjat” lokalizon dhe vë në pranga 20-vjeçarin.
Sekuestrohet në cilësinë e provës materiale arma e zjarrit pistoletë.
Si rezultat i rritjes së besimit të qytetarëve tek Policia është marrë informacion se një i ri po qarkullonte me armë zjarri në zonën e Laprakës.
Menjeherë është organizuar puna për lokalizimin, kapjen dhe prangosjen e tij.
Falë veprimeve të shpejta dhe profesionale, Forca e Posaçme “Shqiponjat” ka bërë të mundur që në rrugën “Lord Bajron” të lokalizonte personin e dyshuar dhe ta shoqëronte atë në ambientet e Policisë.
Në përfundim të veprimeve të para hetimore, nga Komisariati i Policisë Nr. 3 u bë arrestimi në flagrancë i shtetasit libanez M. B., 20 vjeç, për veprën penale “Armëmbajtja pa leje”
Materialet do t’i kalojnë Prokurorisë së Rrethit Gjyqësor Tiranë, për veprime të mëtejshme.
Top Channel
