Puna në kantierin e spitalit rajonal të Fierit po vijon me ritme të shpejta.
24 ditë nga hedhja e themeleve struktura e godinës ka nisur të marrë formë, ndërkohë rreth 300 punonjës janë angazhuar për realizimin e projektit në kohë.
Tërmeti i 26 nëntorit 2019 vërtetoi se Shqipëria është një vend me aktivitet të lartë sizmik, ndaj strukturat e përdorura për ngritjen e kësaj godine janë antisizmike duke garantuar sigurinë.
Aktualisht puna po vijon në disa seksione. Rreth 30 mijë metër kub gërmime janë kryer ashtu sikursë ka përfunduar edhe procesi i mbushjes, ndërkohë po vijohet me betonimin e themeleve të seksionit kryesor dhe shtrimin e rrjetit elektrik dhe kanalizimeve.
Top Channel
