Avioni me 181 pasagjerë përplaset me gardhin në aeroportin në Korenë e Jugut, 28 viktima 29/12 02:13
Qeveria e Malajzisë arriti marrëveshje për të siguruar 18,4 miliona doza vaksinë kundër koronavirusit të ri (COVID-19) të zhvilluar nga Rusia dhe Kina.
Ministria e Shëndetësisë njoftoi se do të marrin 6,4 milionë doza vaksinë Sputnik V e prodhuar nga Instituti rus Gamaleya dhe 12 milionë doza nga vaksina kineze Sinovac. “Vaksinat të cilat do të sigurohen nga të dy shtetet do të mjaftojnë për vaksinimin e 9,2 milionë banorëve të Malajzisë”, thuhet në deklaratën e ministrisë.
Në njoftimin e Ministrisë thuhet se vaksinat Sputnik V dhe Sinovac do të arrijnë në vend në muajin mars, ndërsa në muajin prill do të fillojë furnizimi i klinikave dhe spitaleve me vaksinat.
Qeveria e Malajzisë deri më tani ka nënshkruar marrëveshje për sigurimin e gjithsej 25 milionë dozë vaksinash nga firmat farmaceutike Pfizer, BioNTech dhe AstraZeneca .
Malajzia, prej fillimit të pandemisë deri më tani regjistroi 190.434 raste me COVID-19 prej të cilëve 700 persona kanë humbur jetën.
Top Channel
Avioni me 181 pasagjerë përplaset me gardhin në aeroportin në Korenë e Jugut, 28 viktima 
