“Forbes” përzgjedh Shqipërinë në listën e vendeve të paprekura nga turizmi masiv, nga fermat te shtigje e rafting, ja itinerari që sugjeron 23/04 11:01
Tremujori i katërt i vitit të kaluar ka shënuar një përmirësim të besimit të bizneseve në ekonomin.
Banka e Shqipërisë raporton se treguesi i ndjesisë ekonomike u rrit me 6 pikë në krahasim me tremujorin e tretë, duke arritur në 81.1%.
Por me gjithë përmirësimin, sërish ky tregues mbetet shumë poshtë mesatares historike si pasojë e bllokimit të ekonomisë gjatë periudhës tremujore Mars-Maj për shkak të pandemisë Covid-19.
Tregtia dhe industria rezultuan edhe sektorët ku treguesi i ndjesisë ekonomike pa një përmirësim të ndjeshëm, kryesisht për shkak të rritjes së prodhimit si dhe kontratave porositëse.
Përmirësim ka parë edhe sektori i shërbimeve, një ndër më të goditurit e krizës si rrjedhojë e ecurisë së bizneseve e kërkesës teksa janë më optimistë edhe për tremujorin e ardhshëm mbi ecurinë e punësimit si dhe shfrytëzimit të kapaciteteve.
Pas përmirësimit në tremujorin e tretë, sektori i ndërtimit nga ana tjetër që nuk ka ndalur punën as gjatë karantinës pa një rënie të lehtë të besimit në ekonomi në periudhën Tetor-Dhjetor.
Ndryshe nga bizneset, qytetarët pasqyrojnë një pasiguri të madhe për gjendjen e tyre ekonomike, pasi besimi i konsumatorëve ka parë një rënie edhe gjatë tremujorit të katërt të vitit të kaluar me 2 pikë përqindje kundrejt tremujorit të mëparshëm.
Kjo është ndikuar kryesisht nga rënia e blerjeve të mëdha si ato për banesa, makina apo mallra të tjera që nuk lidhen me produktet e domosdoshme për jetesën, teksa shprehen pesimistë edhe për pjesën e parë të vitit 2021 si pasojë e krizës që ka shkaktuar pandemia.
Top Channel
