Dezertori rus tregon sekretet e bazave bërthamore të Putinit: Ditën që nisi pushtimi i Ukrainës na tha se… 26/11 11:52
Policia në Britaninë e Madhe po kërkon një burrë që duket se i ka injektuar një 92 vjecareje një vaksinë të rreme anti covid dhe i ka marrë asaj 160 paundë për të.
Policia e njësisë së krimit mbi pronësinë intelektuale në Londër, i ka kërkuar publikut ndihmë për të identifikuar personin, që ajo thotë se është i dyshuar për mashtrim. Departamenti i policisë ka publikuar imazhet e të dyshuarit, një burrë rreth të 30-tave, që i ishte afruar viktimës më 30 dhjetor në shtëpinë e saj në surbiton, në Londrën jugperëndimore, duke pretenduar se ishte anëtar i shërbimit kombëtar të shëndetësisë.
I dyshuari i kishte bërë vaksinën gruas në krah dhe i kishte kërkuar 160 paundë asaj, për të cilat i kishte thënë se do të rimbursoheshin më vonë. Të hënën, ai kishte shkuar sërish në shtëpinë e të moshuarës, për ti kërkuar pagesën e 100 paundëve të tjerë. Policia thotë se nuk e di ende se cfarë përmbante injeksioni që ai i kishte dhënë të moshuarës, por ajo ishte ekzaminuar në një spital dhe nuk kishte patur efekte anësore.
Ashtu si vende të tjera evropiane, Britania e madhe e nisi vitin e ri në izolim ndërsa infektimet vazhdojnë të rriten dhe shkencëtarët përpiqen të ndalin përhapjen e variantit të ri, më ngjitës. Një program masiv vaksinimi për personat klinikisht vulnerabël ka nisur në vend me kryeministrin Boris Johnson që ka vendosur si objektiv vaksinimin e 13 milionë personave deri në mes të shkurtit.
Top Channel
