Konflikti i armatosur në Lindjen e Mesme, analiza: Uashingtoni i pakënaqur me qëndrimin e Turqisë ndaj Hamasit 26/11 16:16
Nëse më shumë se 50% e popullatës në Gjermani nuk vaksinohet, atëherë do të detyrohemi ta mbajmë më gjatë maskën, deklaroi kancelja Angela Merkel përpara Bundestagut.
Vaksina është kthyer në temë qendore debati në Gjermani dhe këtë çështje qeveria federale duhet ta zgjidhë sa më parë. Për këtë çështje, kancelarja pritet të diskutojnë me krerët e BioNTech, që kanë zhvilluar së bashku me Pfizerin vaksinën anti Covid, si dhe ata të EMA-s, agjensia europiane e medikamenteve.
Duke iu përgjigjur pyetjeve të deputeteve, Merkel e bëri të qrtë se ekzekutivi nuk “ka ndermend ta bëjë vaksinën të detyrueshme”, edhe pse ministri i shëndetësisë njoftoi se do të hartojë një rregullorë mbi prioritetet e vaksinimit në Gjermani. “Objektivi do të jetë ai i vaksinimit fillimisht të personave më të rrezikuar dhe punonjësve shëndetësorë. Por ndërkohë, objektivi i Gjermanisë është të arrihet një lloj imunizimi i masës përmes vaksinimit të të paktën “65-70% të popullsisë”.
Por Merkel i mëshoi idesë së nëse 40 apo 50% e gjermanëve nuk pranojnë të vaksinohen, epidemia e bashkë, edhe masat anticovid, do të zgjasin. Gjermania shënoi brenda 24 orësh 952 vdekje nga koronavirusi, ç’ka e dëshmon qartë seriozitetin e situatës, pasi shifra më e lartë e jetëve të humbura deri tani ishte 598 vetë.
Top Channel
