Shpresa për paqe “Krishtlindjesh” në Ukrainë, Zelensky nxjerr planin, ofron zonë të demilitarizuar në lindje 24/12 12:15
Kompania Dreamworld që zotëron parqet më të mëdha tematike në Australi ka pranuar përgjegjësinë për vdekjen e Kate Goodchild, Luke Dorsett, Roozbeh Araghi e Cindy Low
Ajo është gjobitur $3.6 milionë për vdekjen e katër klientëve që po përdornin xhirot e saj zbavitëse.
Kate Goodchild, Luke Dorsett, Roozbeh Araghi e Cindy Low u vranë në tetor 2016 teksa po zbrisnin me shpejtësi në lumin e barkave zbavitëse në Queensland.
Katër të rriturit u vranë menjëherë kur mjeti ku ata po lundronin u përplas me një tjetër dhe u përmbys, duke i shtypur pasagjerët e tij në një rrip transmisioni në ujëra të cekëta.
Prokurori i sigurisë në vendin e punës Aaron Guilfoyle, tha sot në gjykatën e Southport se mjeti lundrues ishte ngritur vertikalisht para se të binte përsëri në pozicion horizontal.
Lëvizjet e rripit të transmisionit e kishin tërhequr barkën e pasagjerëve brenda mekanizmit.
Pas thyerjes së fibrave të xhamit, barka ishte tronditur dhunshëm duke bërë që zonja Goodchild dhe zoti Dorsett të binin,” tha Guilfoyle.
“Zonja Turner kishte mbetur e varur në sediljen e saj ndërsa Roozi Araghi e Cindy Low të ulur në pjesën e prapme të mjetit ishin tërhequr nga pjesët në lëvizje të rripit të transmisionit.
Na barkë ishin gjithashtu dy fëmijë 10 e 12 vjec, por arritën të mbijetojnë.
Hetimet zbuluan se një pompë që kishte pësuar avari në fundin e xhiros, ishte përgjegjëse për ngjarjen tragjike.
Ardent Leisure, dhe kompania zotëruese Dreamworld, thanë se pranonin përgjegjësinë dhe po punojnë për përmirëismin e standardeve të sigurisë.
Por Guilfoyle tha në gjykatë se kishte faktorë të tjerë përveç avarisë së pompës, pasi e gjithë rruga e përshkuar nuk ishte e mirëmbajtur dhe procedurat e ndalimit të saj ishin të mangëta.
“Shkallët e kompleksit ishin të lodhshme dhe të papërshtatshme, shumë të neglizhuara e të lira.
Këto operonin në parkun më të madh të zbavitjes në vend, ku vinin kryesisht familjarë”, tha gjykatësja Pamela Dowse.
Drejtori i kompanisë Ardent, John Osborne tha: “Ne e pranojmë përgjegjësinë për këtë tragjedi si dhe pasojat e saj”.
Në një deklaratë të familjeve të viktimave thuhej: “Vdekja e dhunshme e Cindy është e papranueshme për ne. Është akoma më i rëndë fakti që kjo mund të ishte evituar”.
Parku i Dreamworld u mbyll për gjashtë javë pas aksidentit, ndërsa xhiro e zbritjes së lumit me barkë Thunder River Ride, ku ndodhi tragjedia, ishte çmontuar.
Top Channel
