Një 57-vjeçar, me inicialet G.S nga Gjirokastra është gjendur i vdekur jashtë kamionit të tij në aksin dytësor Suhë-Poliçan në njësinë e Pogonit.
Burri dyshohet të jetë ekzekutuar me mjete të forta në kokë ndërsa policia është njoftuar nga drejtues të rastit.
Viktima, shtetasi G.S e përshkonte shpesh aksin rrugor drejt Poliçanit pasi merrej me transport mallrash. Dëshmitarët e parë thanë se e panë viktimën të shtrirë në rrugë jashtë kamionçinës.
Gjirokastër/Informacion paraprak
Në aksin rrugor rural Polican-Suhë, shtetasi G. S., 57 vjeç, banues në Gjirokastër, në rrethana ende të paqarta është gjetur i pajetë në mjetin e tij tip kamionçinë.
Nga këqyrja paraprake dyshohet se është goditur me sende të forta.
Shërbimet e Drejtorisë Vendore të Policisë dhe të Komsiariatit të Policisë Gjirokastër kanë ngritur pika kontrolli dhe po kontrollojnë zonën për shoqërimin e personave të dyshuar si autorë të ngjarjes apo që mund të kenë dijeni për ngjarjen.
Grupi hetimor, nën drejtimin e Prokurorisë së Rrethit Gjyqësor Gjirokastër, po vijon punën për sqarimin e rrethanave të ngjarjes, me qëllim identifikimin dhe kapjen e autorëve.
Top Channel
