Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Provinca perëndimore kineze Xinjiang tha se është në “situatë lufte”me koronavirusin, teksa po shënon një rritje të menjëhershme të rasteve të reja.
Autoritetet vendase raportuan 17 raste të reja të konfirmuara dhe 23 persona pa simptoma e 269 njerëz të tjerë po mbahen nën vëzhgim. Kryeqendra e rajonit, Urumci është futur në izolim që prej 16 korrikut, kur u regjistrua një rritje e shpejtë e numrit të rasteve. Në këtë qytet po ashtu janë ndaluar fluturimet dhe shërbimet e metrove dhe trenave.
Gjithashtu, nuk lejohen as tubimet publike. Shpërthimi i koronavirusit të ri nisi në qytetin kinez Vuhan në fund të vitit 2019. Por ndërsa Kina vetë, në pjesën më të madhe e ka vënë nën kontroll pandeminë, pjesa tjetër e botës është gjunjëzuar prej saj.
Ekspertët e huaj kanë shprehur sidoqoftë dyshimet e tyre lidhur me numrin e rasteve të infektimeve që raporton Pekini zyrtar. Në mbarë globin, koronavirusi ka marrë më shumë se 600 mijë jetë njerëzish, e numri I infektimeve ka shkuar në mbi 14 milionë.
Top Channel
