Ish kryeministri i Kosovës Ramush Haradinaj ka reaguar pas aktakuzës së ngritur nga Porkuroria Speciale kundër presidentit Hashim Thaçi dhe kreut të PDK-së Kadri Veseli për kinse krime lufte gjatë luftës në Kosovë.
Në një postim në Facebook Haradinaj ka shkruar se “populli shqiptar i Kosovës me të drejtë zhvilloi luftë për liri, pas shtypjes së egër nga regjimet e ndryshme serbe, që zgjati pothuajse një shekull, duke kulmuar me regjimin e Millosheviçit”.
Statusi:
Populli shqiptar i Kosovës me të drejtë zhvilloi luftë për liri, pas shtypjes së egër nga regjimet e ndryshme serbe, që zgjati pothuajse një shekull, duke kulmuar me regjimin e Millosheviqit.
Ushtria Çlirimtare e Kosovës ka bërë luftë të pastër, rezultat i së cilës ishte liria dhe themelimi i Republikës së Kosovës.
Ne besojmë në pafajësinë e Presidentit Thaçi, kryetarit Veseli dhe të gjithë bashkëluftetarëve të tjerë.
RH
Top Channel
