Danimarka mban nën vëzhgim anijen kineze, dyshohet për sabotimin në Detin Baltik 20/11 17:59
Një vajzë 10 vjeçare nga Teksasi i SHBA-ve, e cila qepi 100 maska mbrojtëse për punonjësit e kujdesit shëndetësor, humbi jetën në një aksident tragjik me makinë.
Ngjarja ndodhi në Munday, të Teksasit. Lexi Collins, nxënëse e klasës së pestë, qepi me ndihmën e mamasë, 100 maska mbrojtëse, dhe ato ia dhuroi Spitalit të Përgjithshëm Anson. Pasi shkollat u mbyllën, si pasojë e koronavirusit, Lexi, shpenzoi orë të tëra për të qepur maskat.
Ky veprim i vogëlushes u përgëzua nga faqja zyrtare në Facebook e spitalit.
“Faleminderit për këtë dhuratë vogëlushe speciale”, shkruhej në falenderimin e spitalit. Ndërsa mamaja e Lexit, Jara, iu përgjigj kështu falenderimit të spitalit:
“Faleminderit që ia zbukuruat ditën Lexit me postimin tuaj. Ajo e adhuron qepjen dhe unë jam infermiere, ndaj dëshironte t’i ndihmonte të gjithë. Lexi është e lumtur të ofrojë ndihmën e saj”.
Top Channel
