Zelensky ngre alarmin: Rusia po përgatit sulm masiv ditën e zgjedhjeve në SHBA, kërkon presion maksimal ndaj Moskës

Në një videomesazh në X, Zelensky deklaroi se Kievi ka marrë informacione për përgatitjen e sulmeve të reja, të cilat mund të synojnë objektet energjetike dhe rrjetet e furnizimit. Sipas tij, vëmendja ndërkombëtare do të jetë e përqendruar te zgjedhjet amerikane, duke rrezikuar që zhvillimet në Ukrainë të kalojnë në plan të dytë.

We have intel that Russia is preparing a new massive attack on our country – primarily targeting energy and logistics. The assumption is basically that tomorrow the world will be watching the American midterms, and what is happening here in Ukraine, along with our difficulties with air defense and Patriot missiles, will be overlooked.

We need signals from the world to Russia that will make them feel that terror is no good, that it will bring no gains, and that as long as this war continues, their oil will burn, and they will not be able to make money doing business with the world. We must not play games with Russia’s oil or gas revenues. We must put pressure on Russia in such a way that it has no alternative but to end this war. America can do this.

— Volodymyr Zelenskyy / Володимир Зеленський (@ZelenskyyUa) November 2, 2026

“Vlerësimi është se nesër opinioni publik botëror do të përqendrohet te zgjedhjet e mesmandatit në SHBA, si rezultat i të cilave ajo që po ndodh këtu në Ukrainë, si dhe vështirësitë që hasim me mbrojtjen ajrore dhe raketat Patriot, do të kalojnë në plan të dytë”, u shpreh presidenti ukrainas.

Ai i bëri thirrje Uashingtonit të ushtrojë presion më të fortë ndaj Moskës, veçanërisht përmes kufizimit të të ardhurave që Rusia siguron nga eksportet e naftës dhe gazit.

“Nuk mund të luajmë lojëra me të ardhurat e Rusisë nga nafta ose gazi. Duhet të ushtrojmë një presion të tillë mbi Rusinë, saqë ajo të mos ketë zgjidhje tjetër veçse t’i japë fund kësaj lufte. Amerika mund ta arrijë këtë”, deklaroi Zelensky.

Kreu i shtetit ukrainas theksoi se komuniteti ndërkombëtar duhet t’i dërgojë Moskës një mesazh të qartë se sulmet ndaj civilëve dhe infrastrukturës nuk do të sjellin përfitime.

“Na duhen mesazhe nga bashkësia ndërkombëtare për Rusinë që do ta bëjnë të qartë se terrorizmi nuk funksionon, nuk sjell asnjë përfitim”, u shpreh ai.

Zelensky ngriti gjithashtu shqetësimin për vështirësitë me të cilat po përballet mbrojtja ajrore ukrainase, duke përmendur mungesën e sistemeve raketore Patriot, të nevojshme për të përballuar sulmet ruse.

Top Channel