Izolohen britanikët,Johnson: S’ka takime me njerëzit për tre muaj
17/03/2020 12:14
Rriten tensionet mes Gjermanisë dhe Rusisë, dëbojnë gazetarë të njëra-tjetrës 27/11 15:34
Vetëm pak orë pasi kryeministri Boris Johnson i kërkoi njerëzve të rrinin në shtëpi e të shmangin kontaktet sociale për 12 javë, rrugët e Londrës ishin boshatisur.
Britanikët që mbrëmjeve vazhdonin festat, duket e kanë marrë seriozisht paralajmërimin e shefit të ekzekutivit. Johnson tha se koronavirusi është tani në një fazë përhapjeje të shpejtë në Mbretërinë e Bashkuar, dhe se shtrirja më e madhe është në kryeqytet. Ai e bëri të qartë se është koha për veprime radikale, për të ndaluar siç deklaroi “mbingarkimin e sistemit shëndetësor”.
Të gjithë duhet të shmangin kontaktet që nuk janë absolutisht të nevojshme, sipas Johnson. Kryeministri britanik e pranoi se situata mund të zgjasë për tre muaj, e mbase edhe më gjatë, dhe tha se e kupton qe “ po i kërkon shumë njerëzve të durojnë kaq”.
“E di që këto masa janë drakoniane, por ato shpëtojnë jetë”, u shpreh Johnson duke shtuar se nuk beson që ka pasur ndonjëherë diçka të tillë në kohë paqeje.
Top Channel
