Dy të rinj janë vrarë gjatë një grabitje të armatosur në kazinonë “Vegas” në lagjen Vizbeg

15/02/2020 18:24

Në kazinonë “Vegas, në lagjen Vizbeg të Shkupit gjatë mëngjesit të sotëm janë vrarë dy persona-njëri sigurim i kazinosë, ndërsa tjetri me gjatë klientë i rastit. Sipas të dhënave të para, katër sulmues kanë hyrë në kazino në ora 4:47 të mëngjesit.

Ata kanë qenë të maskuar dhe dy prej tyre të armatosur me pushkë automatike, ndërsa dy të tjerët me pistoleta. Sulmuesit kanë shkrepur disa plumba ndaj 22 vjeçarit V.H nga Kosova i cili nuk kishte arritur të ikë, ndërsa me kondakun e pushkës disa herë e kanë goditur në kokë një 20 vjeçar nga Krushopeku i Shkupit i cili është angazhuar si sigurim privat ndërsa ishte edhe anëtar i klubit të mundjes “Tefejuz”. Të dytë kanë vdekur në vendngjarje, ndërsa sulmuesit i kanë grabitur paratë dhe janë larguar nga vendi në drejtim të panjohur.
Ekipe nga SPB- Shkup kanë dalë në vendngjarje. Policia është në kërkim të autorëve dhe për zbardhjen e plotë të rastit – tha Suzana Pranjiq, zëdhënëse e MPB-së.

Jozartarisht, sulmuesit janë kapur nga kamerat e sigurimit. Ata janë afruar nga pjesa e pasme e objektit, ndërsa janë larguar nëpër arat përballë ku me siguri i ka pritur ndonjë automobil. Sipas informatave të para ato kanë grabitur 10 mijë euro. Kazinoja “Vegas” në bulevardin Magjistralja e Adriatikut edhe më parë ka qenë cak i plaçkitësve. Kazinoja gjendet në një lokacion të izoluar. Të punësuarit në pompën e benzinës që është aty afër thonë se nuk kanë dëgjuar asgjë. Sot kazinoja ishte e mbyllur, ndërsa pronarët nuk deshën të flasin para kamerave. Me reagim rreth ngjarjes dolën edhe nga Lëvizja Anti Bixhoz, duke kërkuar nga kryeministri dhe ministri i brendshëm urgjentisht t’i mbyllin kazinotë dhe objektet e lojërave të fatit deri në miratimin e ligjit.

Top Channel