Këshilli i Ministrave përmes shtatë vendimeve shpalli zonat për zhvillim, ku do të ndërtohen godinat e reja për akomodim të të prekurve nga tërmeti i 26 nëntorit.
Këto shtatë zona janë përcaktuar në bashkitë e Durrësit, Kavajës, Krujë, Lezhë dhe Vorës.
Miratimit të këtyre zonave i ka paraprirë një studim përmes të cilit janë hartuar hartat përkatëse. Vendimet e qeverisë, parashikojnë se njësi zbatuese e ndërtimeve, do të jetë Fondi Shqiptar i Zhvillimit.
Të shtata vendimet ngarkojnë Fondin Shqiptar të Zhvillimit për ndërtimin e banesave të reja ose të ndërtesave publike të dëmtuara krahas ndërtimit dhe rikonstruksionin e infrastrukturës publike.
Top Channel
