Sulmet e Izraelit, ministri i Jashtëm Iranian: Një dështim i plotë, nuk shkaktuan asnjë dëm për ne 19/04 22:55
Ditën e sotme, një deputet skocez u detyrua të dorëzonte mandatin, për shkak se i shkroi një të mituri që ishte “i lezetshëm”, e ftoi për darkë dhe e “bombardoi” me plot 270 mesazhe online.
42-vjeçari, Derek Mackay, Sekretari i Financave i SNP-së dha dorëheqjen fill pasi “Scottish Sun” zbuloi se si ish-parlamentari kontaktoi krejt papritur një ditë, një djalosh 16-vjeçar në Instagram dhe Facebook, për të vazhduar më pas komunikimin me të për gati gjashtë muaj.
“Mbaj përgjegjësi të plotë për veprimet e mia. Jam sjellë si i marrë dhe më vjen vërtet keq”, u shpreh Mackay duke i kërkuar falje familjes së djalit.
Mësohet se Mackay e ftoi të miturin për darkë duke i thënë se do të ishte më pas, i ftuari i tij i nderit në një ndeshje rugbi të parlamentit.
Babai i dy fëmijëve, i deklaruar publikisht sa i takon seksualitetit të tij, pëlqente sistematikisht postimet e 16-vjeçarit, madje nisi t’i shkruante mesazhe në privat, ditën e Krishtlindjeve.
Në mesin e bisedave, zbulohet se politikani shprehet:
“A janë bisedat vetëm midis nesh?”
Nëna e zemëruar e djalit, 37 vjeçe, e cila mësoi rreth shkëmbimeve të mesazheve javën e shkuar, tregoi për tmerrin e përjetuar kur pa se Z. Mackay dukej sikur flirtonte me djalin e saj.
Ajo tha:
“Nëse do mund të flisja me të, do ta pyesja: Pse? Pse e bëri këtë gjë?”
Top Channel
