​Prokuroria do të hetojë deklaratat se po trukohen ndeshjet

“Prokurori i Shtetit njofton  opinionin publik se është duke përcjellë të gjitha deklaratat e bëra publike, lidhur me kurdisjet e ndeshjeve futbollistike, si dhe ka kërkuar nga prokuroritë themelore që të fillohen hetimet për verifikimin e këtyre shkrimeve dhe paraqitjeve në media se ka kurdisje të ndeshjeve”, thuhet në një komunikatë për media nga Prokuroria e Shtetit.

Ditëve të fundit janë bërë akuza nga kryetari i klubit “Ferronikeli” Naser Rama, ai i Llapit Beqir Batatina dhe i FC Ballkanit Arsim Kabashi se klubet tjera po blejnë referë për të fituar ndeshjet duke dëmtuar klubet tjera./KosovaPress/