Gentian Malindi në kërkim për kokainën e Ekuadorit, babai avokat mohon akuzën
27/09/2019 14:00
Hetimet për tragjedinë e Shkodrës/ Pyetet sërish kunata e Almës, mjekësia ligjore kërkon analiza toksikologjike për 4 viktimat
12/05 19:44
Gentian Malindi është shtetasi i shpallur në kërkim nga Policia e Shtetit pas goditjes së linjës së trafikut të kokainës Ekuadër-Greqi-Shqipëri. Dy shtetas të tjerë u arrestuan nga policia, ndërsa Malindi vijon të jetë në kërkim.
Ndërkohë, babai i Gentian Malindit, avokati Ilir Malindi, mohon që i biri, tashmë shtetas i shpallur në kërkim për trafik ndërkombëtar lëndësh narkotike, të jetë porositësi i kokainës.
Edhe në qershor të vitit 2013 kur Gentian Malindi u arrestua nga policia e Durrësit për prodhim dhe shitje të narkotikëve, i ati që ishte dhe avokat mbrojtës deklaroi se i biri ndodhej rastësisht te Mali i Robit, aty ku brenda një furgoni, që drejtohej nga shtetasi Ervis Bardhi, u kap e sekuestrua sasia prej 289 kg bimë narkotike kanabis sativa.
Gjykata e Durrësit ndonëse e kaloi çështjen për kompetencë tokësore në Gjykatën e Kavajës vendosi lirimin e menjëhershëm të Gentian Malindit, pasi për mungesë provash e çmoi të paligjshëm arrestimin e tij në flagrancë.
137 kokainë u sekuestruan nga autoritetet, ndërsa në pranga ranë shtetasit Altin Myslihaka dhe Adrian Bega.
Top Channel
