“Më shumë u gëzova unë për lirimin e Berishës, se sa ju”, Lela përplaset me Currin në Top Story: Je për teatër, jo për politikë 27/11 23:03
Në një kohë kur opozita ka hyrë në muajin e 6 të bojkotit të institucioneve politike sekretari i Përgjithshëm të OSBE-së, Thomas Greminger nga Tirana i ka bërë thirrje për ndërrimin e kursit.
“ Shpresojmë që ngërci aktual politik do të tejkalohet së shpejti. Duhet një zgjidhje e brendshme. Pjesmarrja në institucionet demokratike është rruga e vetme dhe legjitime për të patur fuqi dhe influencë politike . Dialogu duhet të realizohet duke zbatuar kushtetutën dhe po ashtu institucionet legjitime”, tha ai.
Sekretari i Përgjithshëm i OSBE-së ndodhet në Tiranë për të parë përgatitjet për marrjen e kryesimit të OSBE. Prioritet e presidencës shqiptare i dha ministri në detyrë për Europën dhe punën e jashtme Gent Cakaj.
“Po punojmë fuqimisht në tre aspekte: atë politik, financiar dhe të burimeve njerëzore. Së pari, aspekti politik ka të bëjë me finalizimin e prioriteteve. Së dyti, qeveria po vë në dispozicion të gjitha burimet financiare të nevojshme për një mbarëvajtje sa më të mirë të kryesimit. Së treti, tashmë kemi emëruar diplomatët më të mirë e më të përkushtuar si në Misionin tonë në Vjenë, ashtu dhe në Task Forcën e ngritur në Tiranë për këtë qëllim,” tha Cakaj.
Thomas Greminger e quajti marrjen e presidencës nga Shqipëria si një lajm i mirë në shumë dimensione.
“Do të jetë gjithashtu një ushtrim goxha frymëzues dhe shpërblyes nga aspekti politik dhe mendoj se do të cojë në përmirësimin e profilit politik të Shqipërisë në arenën ndërkombëtare. Kryesimi i mirë i OSBE-s do të jetë një prej argumentave më të forta për progresin dhe drejt pranimit të Shqipërisë në BE. Kryesimi një organizate shumëkombëshe kërkon një Shqipëri të bashkuar’, tha ai.
Sekretari i Përgjithshëm i OSBE-së në lidhje me legjitimitetin e zgjedhjeve të 30 Qershorit tha se është një cështje që duhet të marrë vlersimin e organizmave shqiptare.
Top Channel
