Tajfuni i dytë që kërcënon vendin brenda një jave, “Bavi” bën kërdinë në Kinë, mijëra banorë të evakuuar 11/07 18:16
Skema e ngjyrave
Madhësia e shkrimit
Policia e Devonit dhe Kornuollit beson se ish-ministrja britanike Ann Widdecombe është sulmuar rreth 24 orë para se të gjendej e vdekur në banesën e saj të enjten, ndërsa hetimet për zbardhjen e ngjarjes po vazhdojnë me intensitet.
Autoritetet kanë bërë të ditur se po kërkojnë një person të dyshuar, i cili besohet të jetë një mashkull i bardhë. Sipas policisë, hetimi po zhvillohet me “ritëm” dhe ekipet hetimore vijojnë mbledhjen e provave.
Ndërkohë, 26-vjeçari i arrestuar fillimisht nën dyshimin për vrasjen e Widdecombe është liruar dhe nuk konsiderohet më pjesë e hetimit.
Sipas BBC-së, ish-deputetja 78-vjeçare ishte planifikuar të merrte pjesë në emisionin e Matt Allwright në Channel 5 të mërkurën. Megjithatë, përpara intervistës, stafi i emisionit nuk arriti të vendoste kontakt me të.
Në fshatin Haytor, ku ndodhet banesa e saj, vijon të ketë një prani të shtuar të forcave të policisë. Zona mbetet e rrethuar, ndërsa specialistët e mjekësisë ligjore po vazhdojnë mbledhjen dhe analizimin e provave në vendngjarje.
Ann Widdecombe, 78 vjeç, u gjet e vdekur në shtëpinë e saj të enjten me lëndime të rënda. Policia po vijon hetimet për të përcaktuar rrethanat e plota të ngjarjes dhe për të identifikuar autorin e dyshuar.
Top Channel
