Merkel thyen heshtjen dhe rrëfen raportet me Trump e Putin: Shijon testimin e kufijve të tjerëve, pozitat… 23/11 21:01
Vetëm pak pas samitit të ministrave të Jashtëm të vendeve anëtare të NATO-s, në Uashington, ku u bë thirrje për unitet, e ku u renditën sfidat e sigurisë, përfshirë rrezikun rus dhe terrorizmin, Forcat e Armatosura të Rusisë kanë nxjerrë mijëra ushtarë, tanke dhe raketahedhëse në rrugët e Moskës, në një sinjal të qartë force përpara paradës së Ditës së Fitores së këtij viti.
Shfaqjet e kësaj të shtune janë pjesë e përgatitjeve për marshimin e përvitshëm të 9 majit, për të festuar mposhtjen e nazistëve nga Stalini gjatë Luftës së Dytë Botërore. Festimet janë një kujtim i zymtë i dhjetëra miliona ushtarëve sovjetikë dhe civilëve që humbën jetën gjatë luftës.
Provat u zhvilluan vetëm një ditë pasi NATO paralajmëroi kundër “agresionit” rus në takimin e 70-vjetorit të krijimit të saj, në Uashington të Shteteve të Bashkuara. Parada e përvitshme është kthyer në një kauzë festimesh patriotike nën drejtimin e presidentit Vladimir Putin gjatë viteve të fundit.
NATO, samit për unitetin. Mbyllet takimi për 70-vjetorin e aleancës në Uashington
Vitin e kaluar, 55 mijë ushtarakë dhe gra marshuan përgjatë “Sheshit të Kuq”, me Putinin që i vështronte ata nga pranë mauzoleumit të Leninit, në krah të kryeministrit izraelit Benjamin Netanyahu dhe presidentit serb, Aleksandar Vuçiç.
Ndiqni fotogalerinë e mëposhtme për më shumë foto spektakolare nga përgatitjet e sotme.
Top Channel
