Vranë tre sërfistët në vitin 2024, gjykata dënon me 158 vite burg për secilin 3 meksikanë 17/10 09:34
Skema e ngjyrave
Madhësia e shkrimit
Katie Zakaria dërgoi mesazhin e saj të parë disa orë pas shkarkimit nga pozicioni i sekretares së shtypit të Shtëpisë së Bardhë, duke zgjedhur të lavdëronte Donald Trump, pavarësisht faktit se presidenti amerikan e shkarkoi atë vetëm pas pesë ditësh.
Në një postim në rrjetet sociale, Zakaria iu referua Trump me fjalë lavdëruese, duke e përshkruar atë si një “njeri të mrekullueshëm, bujar dhe punëtor”, ndërsa theksoi se ishte një nder të kishte punuar pranë tij.
“Presidenti Trump është një njeri i sjellshëm, i mrekullueshëm, bujar, i dashur, entuziast dhe punëtor. Do të doja që më shumë amerikanë ta vlerësonin atë. Askush nuk do ta bëjë kurrë Amerikën aq të madhe sa e ka bërë ai dhe vazhdon ta bëjë. Ishte një nder të punoja për të”, shkroi ajo, pa lënë asnjë koment për largimin e saj të papritur.
President Trump is a kind, wonderful, gracious, thoughtful, enthusiastic, and hardworking man. I wish more Americans appreciated him. No one will ever make America great the way he has and continues to.
It was an honor to work for him. https://t.co/Tp4NizrhE2
— Katie Zacharia (@KatieZacharia) October 17, 2026
Postimi i saj erdhi vetëm disa orë pas përfundimit të një mandati jashtëzakonisht të shkurtër, i cili u shënua nga kritika të forta për praninë e saj në sallën e informimit në Shtëpinë e Bardhë, si dhe pyetje në lidhje me kualifikimet e saj profesionale.
Zachariah u zgjodh nga Trump më 9 tetor për të pasuar Caroline Levitt, duke marrë detyrën më 12 tetor. Megjithatë, informimi i saj i parë me gazetarët, të nesërmen, zgjati vetëm 14 minuta dhe shkaktoi komente negative për mënyrën se si i trajtoi pyetjet.
Ajo gjithashtu e gjeti veten në qendër të reagimeve kur u zbulua se, megjithëse ishte prezantuar si avokate, nuk kishte marrë licencë për të ushtruar profesionin, pasi nuk e kishte kaluar provimin përkatës në Kaliforni. Ajo pranoi se kishte dështuar në provim dhe nuk ishte përpjekur ta jepte përsëri.
Të premten, më 16 tetor, Trump la të kuptohej publikisht se qëndrimi i saj në këtë pozicion ishte i pasigurt, duke pretenduar se ishte trajtuar veçanërisht ashpër nga media.
“I thashë se nëse do të isha në vendin e saj, do ta rishqyrtoja”, tha presidenti amerikan, duke shpjeguar se nuk donte ta shihte të vuante presionin që vjen me këtë pozicion.
Menjëherë më pas, u njoftua se Zakaria po largohej nga posti i saj, duke shënuar mandatin më të shkurtër të një sekretareje shtypi në historinë e Shtëpisë së Bardhë.
Top Channel
