Dyshime për sabotim pas dëmtimit të kabllos nënujore elektrike në Detin Baltik 27/12 07:29
Ndërsa ka kujtuar 10-vjetorin e marrëveshjes së Stabilizim Asociimit, ambasadori i BE-së në Tiranë, Luiggi Soreca, ka theksuar edhe njëherë se është koha për bashkim në mënyrë që vendi të shkojë përpara për integrimin në BE.
Soreca në një postim në Twitter, shkruan se ndonëse vendi ka bërë përparim të dukshëm në këto 10 vite, ka akoma shumë për të bërë, sidomos thekson ai në fushën e sundimit të ligjit.
“10 vjet më parë, më 1 Prill 2009, hyri në fuqi Marrëveshja e Stabilizim-Asociimit BE-Shqipëri dhe Shqipëria filloi zyrtarisht udhëtimin e saj drejt Bashkimit Evropian. Në këto dhjetë vjet, Shqipëria ka bërë përparim të prekshëm në shumë fusha.
Ende ka shumë sfida, veçanërisht në fushën e sundimit të ligjit. Tani është koha që të gjitha institucionet shtetërore, partitë politike, shoqëria civile, sektori privat, të gjithë njerëzit të punojnë së bashku për të nxitur më tej vendin, edhe në pikëpamje të vendimit të ardhshëm të qershorit”.
Top Channel
