Qepa e rekordeve “Guinnes” në Shkodër, fermerët e Postribës kultivojnë farën autoktone shqiptare
23/11 19:58
Tirana ka tashmë edhe një hyrje të re e cila çliron trafikun dhe njëkohësisht i vjen në ndihmë një numri të madh banorësh të Komunës së Parisit të cilët janë përfitues direkt nga ky projekt.
Bashkia e Tiranës po merret me kurimin e detajeve të fundit të një prej investimeve më të rëndësishme në Njësinë 5, sikurse është zgjerimi i rrugës “Medar Shtylla” si dhe ndërtimi i rrethrrotullimit.
Krahas ndërtimit të infrastrukturës nëntokësore dhe asaj në sipërfaqe, është shtuar edhe gjelbërimi si dhe është vendosur sinjalistika e plotë vertikale dhe horizontale për orientimin e drejtuesve të automjeteve dhe të qytetarëve.
Puna për jetësimin e këtij projekti ecur me rime te shpejta, dhe ka filluar që të japë një impakt pozitiv që në këto momente, duke lehtësuar qarkullimin e automjeteve si dhe duke rritur sigurinë e banorëve të zonës.
Në këtë zonë, Bashkia e Tiranës ka ndërhyrë duke rikonstruktuar 7 segmente rrugore që shtrihen dhe kufizohen me Rr. “Sulejman Delvina” – ”Medar Shtylla” – ”Skënder Luarasi” – “Grigor Heba” – “Gjik Kuqali”, përfshirë edhe ndërtimin e infrastrukturës nëntokësore, ndriçimin, sinjalistikën dhe gjelbërimin.
Top Channel
