Bukuria kërkon sakrifica të mëdha, por jo deri në vetëmohim këmbëngulin dy vajza të apasionuara pas fitnesit që provuan për një javë dietën e modeleve të Victoria’s Secret.
Michelle Kejrs-it dhe Candace Lowry-it , eksperienca e përjetuar iu duk e tmerrshme. Dy 25 vjeçaret regjistruan çdo dite të makthit siç i quajnë ato rregullat ushqimore të krijuara nga nutricionisti Stephen Pasterino për modelet Blanca Padilla dhe Nadine Leopold.
Nuk është hera e parë që Michelle dhe Blanca provojnë t`i hyjnë një regjimi të rreptë ushqimor, ama përpjekja e fundit i ka lënë në një gjendje që sipas tyre nuk mund të përshkruhet ndryshe përveçse e “mjeruar”. Atë që kalova, nuk do t’ia uroja as armikut më të keq, thotë Michele në videon e hedhur në Youtube. Dieta kërkon që në mëngjes, me stomakun bosh, të pihet një gotë e vogël uthull.
Vakti i parë i ditës përbëhet pastaj nga një avokado, një grapefruit me kanellë dhe një tas quinoa me fruta pylli ose smoothie me jeshillëqe. “Shishja e ambalazhuar e uthullës në fillim mu duk si lëng molle”, rrëfen Michele, “dhe vetëm kur e provova, e pashë çfarë ishte. Thashë se piva klor”. Në bazë të kësaj diete duhen konsumuar ushqime të gatuara pa kripë, shija e të cilave mund të rregullohet vetëm me uthull e vaj ulliri e sa më shumë sallata të shoqëruara me mish të bardhë e peshk.
Përpos kësaj, dy vajzat thonë se është shumë e vështirë të hash jashtë në një situatë të tillë, sepse porosinë tënde mezi e kuptojnë dhe e përgatisin. Kjo dietë thonë Michelle dhe Candace, e ka një të përbashkët me gjithë të tjerat që ato kanë provuar përpara saj: Të lë gjithmonë të uritur!
Top Channel
