“Ndihma nga të vdekurit”
14/05/2017 00:00
Si të shpëtoni një marrëdhënie që po shkon drejt fundit? Terapistët zbulojnë shenjat dhe mënyrat për ta rindërtuar 27/09 18:27
Skema e ngjyrave
Madhësia e shkrimit
Arkeologët në Egjipt zbuluan një varrezë të lashtë ku gjenden të paktën 17 mumie kryesisht të paprekura, i fundit në një vazhdë zbulimesh që sipas autoriteteve vendase janë një dorë e vlefshme ndihme nga varri për sektorin në telashe të turizmit.
Varreza antike, e cila u zbulua 8 metra nën sipërfaqen e tokës në zonën e Minias, rreth 250 km në jug të Kajros, përmban sarkofagë guri gëlqeror dhe argjile, arkivolë kafshësh dhe papiruse.
Kjo kriptë e lashtë u zbulua së pari vitin e shkuar nga studentët e Universitetit të Kajros, të cilët përdorën radarë për të skanuar nëntokën e zonës.
Ende nuk është përcaktuar mosha e mumieve, por besohet se i përkasin epokës greko-romake të Egjiptit, një periudhë prej rreth 600 vjetësh që pasoi pushtimin e vendit nga Aleksandri i Madh në vitin 332 para Erës Sonë.
Egjipti shpreson se zbulimet e fundit arkeologjike do të përmirësojnë imazhin e vendit jashtë kufijve dhe do të ringjallin interesin e turistëve që dikur dyndeshin në masë tek tempujt e faraonëve dhe piramidat, por që janë pakësuar ndjeshëm që prej trazirave politike që nisën në 2011-n.
Sektori i turizmit në Egjipt ka pasur mjaft probleme që atëherë, sidomos edhe me shtimin e sulmeve terroriste në vend.
Top Channel
