Shtetet e Bashkuara i kërkuan Turqisë që të dorëzojë provat që lidhin imamin Fetullah Gulen me grushtin e dështuar të shtetit.
Ankaraja ka kërkuar prej Uashingtonit ekstradimin e imamit që Erdogan e ka akuzuar publikisht se qëndron pas përpjekjes së ushtarakëve për ta rrëzuar nga pushtetit.
Veç kërkesës për më shumë prova, Departamenti i Shtetit lëshon edhe një paralajmërim për autoritetet turke.
Sekretari John Kerry kërkoi prej tyre që gjatë hetimeve të respektojnë ligjet në fuqi dhe foli për dëmtim të marrëdhënieve mes dy vendeve nga deklaratat publike të disa zyrtarëve turq, që sugjerojnë se Uashingtoni luajti rol në zhvillimet e fundjavës në vend.
Ndërkohë, në vend vazhdon ‘spastrimi’. 103 admiralë dhe gjeneralë janë arrestuar nën dyshimet se janë përfshirë në grushtin e shtetit, mbi 7 mijë zyrtarë dhe punonjës të policisë janë pushuar, ndërsa numri total i personave të ndaluar për rol dhe mbështetje të grushtit të shtetit ka shkuar në mbi 7 mijë.
Presidenti turk, Recep Taip Erdogan tha se operacioni i spastrimit të virusit, siç e quajti ai, do të vazhdojë edhe në ditët në vijim dhe u zotua se të gjithë personat e përfshirë do të marrin dënim shembullor.
Top Channel
