Itali, bukëpjekësi i çuditshëm
04/03/2014 00:00
Si të shpëtoni një marrëdhënie që po shkon drejt fundit? Terapistët zbulojnë shenjat dhe mënyrat për ta rindërtuar 27/09 18:27
Skema e ngjyrave
Madhësia e shkrimit
Gjashtë muaj rresht bukë falas për gratë që kanë foshnja të sapolindura. Është kjo nisma e veçantë e Lulzim Vulashit, me origjinë nga Shkodra dhe pronar i një furre shumë të njohur në Firence.
Nga data 1 mars ai ka vendosur të ndihmojë nënat e reja me bukë falas, deri sa fëmija e tyre të mbushë gjashtë muajsh. Një nismë e pritur me entuziazëm dhe simpati e që ka shtuar radhat në furrën “Pane, Amore e Fantasia”, ku punojnë disa anëtarë të familjes Vulashi.
Ata përgatisin jo vetëm bukë, por edhe ëmbëlsira të ndryshme e gatime gjysmë të gatshme. Lulzim Vulashi tregon se kjo nuk është një mënyrë për të dhënë lëmoshë, por një akt zemërgjërësie, i thjeshtë, me diçka që ai e bën vetë, me bukën.
Ka llogaritur që çdo ditë të dhurojë rreth 30 kg bukë, një shpenzim prej rreth 100 eurosh. Në forumet e ndryshme në internet lexohet se kjo furrë nuk është si gjithë të tjerat. E dallohet jo vetëm për muzikën që nuk resht dhe për cilësinë e lartë të produkteve, por edhe për klimën e pritjen e njerëzve.
Siç shkruan një kliente: atje jeton një çast gëzimi që mund t’ju ndriçojë edhe një ditë të nisur ters.
Top Channel
