Rama: Korça të votojë Sotiraq Filon

“Sot në orën 17:00 në Korçë mbyllet fushata zgjedhore për kryebashkiakun e ri të qytetit të rilindur nën drejtimin vizionar të Niko Peleshit. Suksesi në qeverisjen e Korçës, aftësia e spikatur si menaxher dhe talenti në komunikim bënë që Niko Peleshit t’i binte barra e përgjegjësisë së lartë të zëvendës kryeministrit në përpjekjen tonë të përbashkët për të rilindur Shqipërinë. Dhe të dielën Korça duhet të votojë sërish për të zgjedhur mes vazhdimit të projektit të Nikos tanimë me mbështetjen e fuqishme të qeverisë së re të PS-LSI dhe kthimit pas, në rrugën e humbur të Partisë Demokratike – mes Sotiraq Filos, njeriut që në krah të Niko Peleshit ndoqi plot projekte dhe tanimë ka në dorë gjithë planin e punës për të ardhmen, dhe një tjetri që s’mund t’i ofrojë Korçës asgjë më shumë se politikat e dështuara të humbësve të 23 qershorit”, shkruan Rama në rrjetet sociale.

Kreu socialist ftoi të gjithë qytetarët që të jenë të pranishëm në takimin përmbyllës të kësaj fushate, për të  folur konkretisht për punët e mëtejshme për Korçën nën drejtimin e një kryebashkiaku të ri që do të çojë më tej punën e shkëlqyer të Niko Peleshit.

Top Channel