Tiranë, rindërtohet Kopshti 39
10/08/2013 00:00
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Të martën përfundoi rindërtimi i Kopshtit 39 në Tiranë. Restaurimi i tij u bë me fondet e buxhetit të Bashkisë së Tiranës.
Qëllimi kryesor i këtij investimi me vlerë prej 7,9 milion lekësh ishte pajisja e kopshtit me sistemin e ri të ngrohjes për t’ju mundësuar 120 fëmijëve kushte optimale edhe gjatë stinës së dimrit.
Krahas rindërtimit të kopshtit është bërë edhe restaurimi i ambienteve të brendëshme të tij dhe është vendosur sistemi i mbrojtjes nga zjarri.
Kryetari i Bashkisë, Lulzim Basha ishte i pranishëm në ambientet e këtij kopshti të ndryshuar tërësisht ku inspektoi punimet e kryera. Zoti Basha siguroi qytetarët se këto investime të bashkisë do të vazhdojnë për të bërë të mundur pajisjen e 95 % të shkollave të Tiranës me sistemin e ngrohjes, për të arritur një standard të ri në infrastrukturen e shkollave e për t’u krijuar nxënësve kushte më të mira, ndërkohë që shtoi se ky projekt do të përfundojë brenda 2014 kur të gjitha shkollat do të jenë të pajisura me sistemin e ngrohjes dhe do të kenë kushte të standardeve europiane.
Top Channel
