Prova e dëmeve kolosale të ngrohjes globale
07/08/2013 18:45
“Ikën shpirti, zemra, gjithçka”/ Trauma e Neritan Liçajt: Babai nuk jeton më, por ja si flas çdo mëngjes me të… 05/05 09:57
Kufoma e një ariu polar, zbuluar në Polin e Veriut rreth 200 kilometra më në jug të vendbanimit të tij të zakonshëm, është një provë e re dhe e palëkundshme e shkatërrimit që po i bën planetit ngrohja globale.
Kafsha, e gjetur e vdekur në Svalbard nga një grup eksploratorësh, dukej se kishte ngordhur prej disa ditësh si rrjedhojë e urisë.
Ariu polar, i cili në këtë fazë të vitit duhet të jetë pranë peshës së tij maksimale vjetore, dukej i tretur dhe me shtresat e dhjamit të ezauruara.
Për shkak të shkrirjes së akujve dhe pakësimit të ushqimit, si rrjedhojë e dëmit që i ka bërë ngrohja globale ekosistemit, ariu kishte zbritur më në jug se skajet që dikur kufizonin habitatin e tij dhe në pamundësi për të gjetur ushqim, kishte ndërruar jetë.
Prej kohësh, shkencëtarët kanë dhënë alarmin se ngrohja globale po i shkakton dëme të parikuperueshme planetit, por këto dëme janë edhe më të mëdha në zonat polare, ku si rrjedhojë e efekteve të ngrohjes së temperaturave, ariu polar po kërcënohet gjithmonë e më shumë me zhdukje.
Top Channel
